LAOAG CITY – Nangipatungpal ti P3 rollback iti kada kilo ti Liquefied Petroleum Gas (LPG) wenno cooking gas dagiti Liquefied Petroleum Gas company.
Katukad daytoy ti P33 a kissay iti kada 11 a kilo a tangke.
Inbatad ni Liquefied Petroleum Gas Marketers’ Association (LPGMA) President Arnel Ty, ti panagbaba ti presio ti Liquefied Petroleum Gas ket gapu iti nalaklaka a shipping ken transport costs.
Posible a mapasarunoan pay daytoy ti baro a rollback depende iti garaw ti presio ti langis iti merkado.
Kabayatanna, maipalagip a pinirmaan ni Presidente Ferdinand Marcos Jr. ti maysa nga executive order a nangsuspenso ti excise tax iti Liquefied Petroleum Gas ken kerosene iti uneg ti tallo a bulan kas paset kadagiti addang ti gobierno tapno maalay-ayan ti epekto ti krisis iti langis.
