LAOAG CITY – Inyalud-od ti Securities and Exchange Commission (SEC) ti deadline para iti panagisumitir ti annual financial statements.
Iti statement, inrakurak ti Securities and Exchange Commission a ti koma deadline ti panagisumitir ti financial statements ket intono Mayo 29 ngem iyalud-od da daytoy agingga intono Hunyo 15 ita a tawen.
Ti nagbalin a desisyon ti ahensya ket kalpasan ti panangiyalud-od ti Bureau of Internal Revenue (BIR) ti deadline iti panangisumitir ti 2025 annual income tax returns ken dagiti kasapulan nga attachments intono Mayo 15.
Inpakaammo ti ahensya a ti deadline ket maiyaplikar iti amin a corporations, pakairamanan dagiti branch offices, representative offices, regional headquarters, ken regional operating headquarters ti foreign corporations, a ti fiscal years ket agngudo intono Disyembre 31.
