LAOAG CITY – Mangipaay ti tulong ti Department of Trade and Industry para kadagiti pagaramidan ti asin iti ili ti Badoc.
Segun ken ni Mayor Virgilio Calajate iti nasao nga ili, bimmisitada ti pagaramidan ti asin ket ditoy a nakitada nga adu pay dagiti kasapulanda kas ti machines ken packaging-na.
Inlawlawagna a nabayagen daytoy ngem saan unay a maik-ikkan ti importansia isut gapuna a babaen ti administrasionna kas Mayor ket maysa daytoy kadagiti ipangpangrunana.
Naammoan a ti nasao a salt production ket masarakan iti Barangay Pagsanajan iti ili ti Badoc.
