LAOAG CITY – Kinumpirmaran ni Commission on Elections (Comelec) Chairman George Erwin Garcia nga i-require-dan ti pannakairaman ti birth certificate iti panangipila ti certificate of candidacy (COC) para iti 2026 Barangay and Sangguniang Kabataan Elections (BSKE) ken dagiti sumaruno pay nga eleksion.
Inbatad ni Garcia, gagem daytoy tapno maliklikan ti maaddaan kadagiti kaso ti material misrepresentation iti masangoanan kasta pay ti panangdiskwalipikar ti kandidatura mainaig iti isyu ti citizenship.
Inlawlawagna a ti baro nga inisyatiba ket agserbi a panagsagsaganada para iti 2028 national and local elections.
Naammoan a ti panangipila ti certificate of candidacy para iti Barangay and Sangguniang Kabataan Elections 2026 ket inkeddeng ti Commission on Elections manipud Setiembre 28 agingga Oktubre 5, 2026.
