LAOAG CITY – Kinumpirmaran ni United States President Donald Trump ti pannakakanselar ti biahe ti pannakabagi ti Amerika iti Islamad, Pakistan.
Agturong koma da United States envoy Steve Witkoff ken Jared Kushner iti Pakistan tapno maaddaan manen ti panagsinnarita kadagiti opisial ti Iran.
Inpetteng ni Trump a mabalin isuda a tawagan iti aniaman nga oras.
Inlawlawagna nga adu a biahe ti nasayang isut gapuna a no seryoso ti Iran iti panagsinnarita ket tawaganda lattan dagitoy.
Kunana a naruay a saludsod iti panangidaulo ti Iran isu a narigat a mapagtalkan dagitoy.
Maipalagip a naaddaan ti sumagmamano a panagsinnarita iti nagbaetan ti Estados Unidos ken Iran tapno naan-anayen nga agsardeng ti gubat.
