LAOAG CITY – Bimmaba iti No. 20 ti ranggo ni Filipino tennis star Alex Eala iti live WTA Finals Race iti agtultuloy a Madrid Open.
Manipud iti No. 17 iti napalabas a lawas, nakaukkon ni Eala ti nayon a 35 points tapno umabot iti pakabuklan a 807 kagiddan ti round of 64 finish iti torneo.
Nupay kasta, ngimmato da Marta Kostyuk, Hailey Baptiste ken Anastasia Potapova kalpasan a nakastrek iti quarterfinals.
Nakairekord ni Kostyuk ti 930 points tapno ngumato iti No. 15 manipud iti No. 22, idinto a ni Baptiste ket adda iti puesto iti No. 17 manipud iti No. 26 iti tulong ti 843 points.
