LAOAG CITY – Nangipaay ti Provincial Government of Ilocos Norte babaen ti Ilocos Norte Youth Development Office ti agdagup Php973,500 a pisos a tulong para kadagiti 260 a benepisiario ti Review and Examination Assistance Program ken para kadagiti nanggundaway ti Civil Service Review and Examination Assistance iti umuna a tallo a bulan ita a tawen.
Inbatad ni Gov. Cecilia Araneta-Marcos a maibilang ditoy dagiti 260 a benepisiario ti Licensure Review and Examination Assistance nga immawat ti Php4,000 tunggal maysa idinto a 19 met kadagiti Civil Service Review and Examination Assistance ti immawat ti Php500 tunggal maysa.
Innayonna a gagem ti nasao a programa a saan unay a marigatan dagiti mangala iti eksaminasion kangrunaan ti pinansial nga aspetona daytoy.
Kabayatanna, maragsakan daytoy ti napintas a resulta ti programa gapu ta adu dagiti makapasa a benepisiario a dumaldalan iti nagduduma nga eksaminasion.
