LAOAG CITY – Nagtalinaed ti takder ti defense team ni VP Sara Duterte a ti ‘probable cause’ a nakita ti House Justice Committee iti dua nga impeachment complaints ket saanna a kayat a sawen a ‘guilty’ ti bise presidente.
Iti interview ti Bombo Radyo ken ni Atty. Michael Poa, spokesperson ti defense panel, inpetteng na a ti pannakabiruk ti probable cause ket kayatna a sawen leng a pinili ti committee members nga ituloy wenno i-tansmit ti kaso iti plenaryo.
Saanna a kayat a sawen daytoy a guilty, addaan ti liability, wenno nagbasol ti bise presidente.
Innayon ni Poa a saanen a nakakaskasdaaw ti desisyon ti komite, aglalo ket ninamnaman ti kampo ti bise presidente a maituloy ti kaso iti full trial iti kangatoan a pagpandayan linteg iti Kongreso.
