LAOAG CITY – Umabot iti tallo nga indibidual ti natay kalpasan ti mapagat-atapan nga outbreak ti maipagarup nga Hantavirus a nakalugan iti cruise ship iti Atlantic Ocean, basar iti World Health Organization (WHO).
Kinumpirmaran ti World Health Organization a maysa a kaso pay laeng ti nakumpirmaran a pimmusay idinto a lima ti manarimaan a maim-imbestigaran.
Naammoan a maysa nga agtawen ti 69 a British national ti agdama nga adda iti intensive care idiay Johannesburg, South Africa.
Ti hantavirus ket masansan a maiyak-akar iti tao manipud kadagiti bao iti babaen kadagiti isbo ken rugi dagitoy ken mabalin a mangitunda ti panagrigat iti panaganges.
Rumrummuar a mabalin daytoy a maipasa manipud tao iti tao.
Naipadamag ti outbreak iti MV Hondius nga ipatpataray ti Oceanwide Expeditions no sadinno a ti barko ket nagbiahe manipud iti Argentina nga agturong iti Cape Verde.
Basar kadagiti otoridad iti South Africa, ti immuna a pasiente a nangipakita ti sintomas ket maysa nga agtawen ti 70 a lalaki a natay kabayatan nga adda iti barko.
