LAOAG CITY – Agbalin a kritikal ti situasion iti suplay ti bagas iti pagilian iti a maudi a quarter ti tawen gapu iti panagngato ti presio dagiti produkto a petrolyo.
Inbatad ni Jayson Cainglet, Executive Director ti Samahang Industriya ng Agrikultura wenno SINAG, nagasat dagiti mannalon gapu ta nakaapiten dagitoy ita a season sakbay a nangrugi ti gubat iti Middle East a nangitunda ti panagngato ti presio dagiti produkto a petrolyo.
Nupay kasta, iti maikadua a cropping season ket maapektaranen dagiti mannalon gapu iti panangrugi ti panagmula agingga panagaapit ket agus-usar ti makinaria dagiti mannalon.
Innayonna a ti panagngato ti abono nga umabot iti P1,500 iti maysa a bag base iti maudi a monitoring ti grupo.
