Inpakaammo ni P/Maj Kristian Lee Badua, mangibagbagi ti Ilocos Norte Police Provincial Office (INPPO) ti babaen ti panangidaulo ni Provincial Director Joemar Labiano a ti probinsia ket generally peaceful iti agdama.
Malaksid iti daytoy, binallaaganna dagiti umili ita panawen ti kalgaw nga agtalinaed nga alerto kas iti panangi-save ti hotlines iti cellphones, panangkita ti lugan sakbay nga usaren, ken panang-secure iti pagtaengan sakbay a rumuar.
Innayonna a napateg a kitaen ti pagsayataan ti bagbagi tapno maprotektaran daytoy kontra iti kinabara ti panawen.
