Nangisayangkat ti orientation para kadagiti senoir citizen ti Office of Senior Citizens Affairs a sinuportaran ti City Social Welfare and Development Office (CSWDO) nga inatendaran dagiti Barangay Senior Citizens Association (BASCA) Presidents ken Barangay Secretaries.
Ditoy a naipakammo dagiti paglintegan para kadakuada kas koma ti Expanded Senior Citizens Act, ken Expanded Centenarian Act, karamanen dagiti masapsapul iti asosasionda.
Maysa kadagiti programa ti gobierno ditoy siudad a para kadagiti senior citizens ket ti Milestone Awards no sadinno a maikkan ti cash incentives dagiti agtawen ti 70 agpangato, ken ti agtultuloy a benepisio dagiti centenarian.
Malaksid kadagiti nagduduma a programa ti gobierno a para kadagiti senior citizens ket ti agtultuloy a panangkita ti administrasion ni Mayor James Bryan Alcid dagiti pagsay-atanda para iti pannakaitandudo dagiti kailian a senior citizen.
Kabayatanna, ipangpangruna ti gobierno dagiti Senior Citizens ti Laoag City ti panangipakaammo kadakuada dagiti pribelihiyo ken benepisio-da.
