LAOAG CITY – Natakawan ti tumbler ti empleado iti maysa a gasoline station iti Barangay 1 ditoy siudad ti Laoag.
Segun iti Manager iti nasao a gas station, napasamak daytoy idi naminsan nga aldaw iti oras ti ala una ti pangaldaw.
Inbatadna a napan laeng immisbo ti empleadoda kadayta a gundaway ken inbatina ti tumbler-na iti plant box iti sango ti comfort room idinto a napan met immisbo ti suspek ket apaman a nalpas ti panag-CR-na ket ditoy metten nga innalana ti nasao a tumbler.
Mainaig iti daytoy, apaman a rummuar ti empleado iti nasao a comfort room ket ditoyen nga agbalaw nga awan metten ti tumbler-na.
Iti pannaka-review ti Close Circuit Television footage, ditoy a nakita wenno nabuya a ti suspek ket maysa a tricycle driver ken residente ditoy siudad ti Laoag.
Nupay kasta, saan metten a nangipila pay ti biktima ti reklamo kontra iti suspek.
Kabayatanna, nagballaag met ti Manager iti nasao a gas station a saan nga agibati kadagiti napapateg a banag tapno awanen iti mapasamak a kastoy a kapada nga insidente.
