Inadmitir ni Vice Governor Matthew Marcos Manotoc a dakkel ti problema ti manpower kadagiti hospital ditoy probinsia.
Kinunana nga uray no ag-upgrade dagiti facilities no awan ti tao ket awan ti serbi na gapu ta kaadoan kadagiti health practitioners ket mapanda ti abroad tapnu agtrabaho.
Innayonna a narigat nga imanehar ti maysa a gobernador dagiti hospital ken kasapulan ti nasayaat a panagadal tapnu mamanehar ti ospital kangrunaan payen nga adda dagiti isiyu ti korapsion, agas, ken professional fee.
Kabayatanna, kinunana a ti Pancian District Hospital iti ili ti Pagudpud, ket agbalin a paset ti Mariano Marcos Memorial Hospital and Medical Center gapu ta dakkel a pasilidad daytoy ken sayang no saan a mausar.
