Natakawan ti Crime Registrar iti Dingras Municipal Police Station no sadinno a napasamak iti uneg ti Philippine National Police Station ti nasao nga ili.
Ti biktima ket maysa a babai nga agtawen ti 35, naasawaan, ken agtrabtrabaho kas Crime Registrar ti Philippine National Police (PNP) Dingras a residente iti Barangay Madamba iti isu met lang nga ili.
Ti met suspect ket agtawen 26, addaan ti live-in partner ken residente iti Barangay Mandaloque iti isu met laeng a nasao nga ili.
Basar iti imbestigasion, pasado ti 5:30 ti malem idi Mayo 13, idi mannarimaan nga agiplasplastar ti personal a ramitna ti biktima idi ma-diskobrena a mapukpukaw ti wallet-na a naglaon ti ID, ATM cards, ken kwarta nga agbalor ti Php4,000 pesos.
Segun kadagiti otoridad, inpadas ti biktima a damagen daytoy iti pagtaenganda ngem awan ti nasao a wallet-na.
Gapu iti daytoy, inpadasna a saludsoden kadagiti Philippine National Police (PNP) Personnel no nakitada ket inpakaammo ti duty investigator nga adda ti kapadana a wallet a nakitana nga iggem ti suspek, kalpasan ti panagatendarna ti virtual court iti kuerpo ti kapulisan.
Mainaig iti daytoy, insigida a nangiwayat ti Philippine National Police (PNP) Dingras kadwada ti biktim ti follow-up operation ket ditoy a ballaigi a nakumpirmaran nga ikot daytoy ti maitudtudo a suspek a rason ti insigida a pannakaarestarna.
Innayon ti Philippine National Police (PNP) Dingras a dagiti narekobre a gamit ket naimbentario iti presensia dagiti Barangay Officials iti Barangay Mandaloque no sadinno nga agnanaed ti suspek.
Kabayatana, kalpasan iti daytoy ket naipadalan ti suspek iti medical examination para iti pannakaipila ti kaso a theft.
