LAOAG CITY – Kiniddaw ni Senador Ronald “Bato” dela Rosa nga ikabil daytoy iti custody ti Philippine National Police (PNP).
Daytoy ket basar ken ni Acting Senate Sergeant-at-Arms Mao Aplasca.
Iti maysa nga interview, inbatad ni Aplasca a nangngeg na ti kiddaw ti senador iti maysa a meeting kadwa na ni PNP Chief Police General Jose Melencio Nartatez Jr. ken Interior and Local Government Secretary Jonvic Remulla.
Segun iti opisyal, napasamak ti panagtataripnong da dela Rosa kalpasan ti tension a nangbalkot iti senado idi Miyerkules, Mayo 13.
Maipalagip nga a naireport a ni Dela Rosa ket pimmanaw iti Senado idi parbangon ti Huwebes, sumagmamano nga oras kalpasan a nakangngeg kadagiti putok ti paltog iti pasdek ti Senado kagiddan ti pannakai-lockdown iti lugar.
