Inlawlawag ni National Bureau of Investigation (NBI) Director Melvin Matibag mainaig iti resulta ti paraffin test ken ni Mel Oragon, ti volunteer driver a mapagduduan a nagpaputok ti paltog iti Senado idi Mayo 13.
Segun iti NBI chief, nupay nagpositibo ni Oragon iti gunpowder residue, saan a kayatna a saoen a sigurado a daytoy ti nagusar ti paltog.
Posible a naiyakar ti gunpowder iti bagi ni Oragon manipud iti sabali, kangrunaanen a mapmapan daytoy iti Senado ken nakemmeng iti lugar no sadinno a nagpaputok dagiti Senate Office of the Sergeant-At-Arms (OSAA).
Maipalagip a naglikudan ni Oragon nga isuna ti nagpaputok ti paltog iti baet ti gulo iti Senado ken inpettengna nga adda ti video a mangsuporta nga awan ti paltogna daytoy.
