LAOAG CITY – Agur-uray ti National Bureau of Investigation (NBI) iti posible a panangiparuk-at ti arrest warrant ti Sandiganbayan kontra ken ni Senador Jinggoy Estrada.
Kagiddan daytoy ti pormal a panangipila ti Office of the Ombudsman ti plunder ken graft charges kontra iti Senador iti Sandiganbayan idi kalman.
Inbatad ni National Bureau of Investigation Director Melvin Matibag a nakasaganada nga iserbi ti warrant of arrest no bilang addan ti iparuk-at ti Sandiganbayan.
Inlawlawagna nga iti kanito nga adda ti iparuk-at ti Sandiganbayan nga arrest warrant ket saanda nga agpangadua nga ipatungpal ti pammilin ti appellate court.
Maipalagip a nangipila ni Assistant Ombudsman Mico Clavano ti kaso a plunder ken graft kontra iti Senador mainaig iti maipagarup nga iligal a budget insertions ken project allocations kadagiti infrastructure project ti Department of Public Works and Highways para iti fiscal year 2025.
Nagkiddaw ti Ombudsman ti hold departure order (HDO) kontra ken ni Estrada ken dadduma pay a respondents pakairamanan ni dati a Department of Public Works and Highways Secretary Manuel Bonoan.
