LAOAG CITY – Pormalen a naipatungpal ti Bantay Senado, maysa a naon-partisan citizens group ita nga aldaw, Hunio 1.
Ti grupo ket agserbi kas ‘citizens monitoring groupm a gagemna a bantayan ken pagpokusan ti agbalin a pasamak iti senado kangrunaan iti panagdengdengeg it ‘impeachment’ kontra ken ni Vice President Sara Duterte.
Daytoy ket pakabuklan dagiti estudiante, young professionals, abogado, ken dagiti adda ti akademiko, civil society organizations, ken nagduduma pay.
Inbatad ti grupo a daytoy ket tapno maikkan ti constitutional process ken agbalin a papel ti publiko iti maiyuswat nga impeachment trial iti Senado.
Inpetteng ti Bantay Senado a ti panagusig ket saan laeng a mainaig iti politiko, Partido, wenno eleksion ngem nu diket ti desision ket masapul a nakabasar iti ebidensia ken linteg nga awan ti pabpaboranna.
Manamnama a mangiyuwat ti ‘citizens watchdog’ ti tunggal lawas a pangpubliko a ‘town hall meetings’ kadagiti pagadalan, barangay, simbaan, ken dagiti komunidad.
