LAOAG CITY – Umaboten iti 21 ti bilang dagiti pimmusay manipod iti narpuug a 9-storey building iti Angeles City, Pampanga.
Basar iti Bureau of Fire Protection (BFP) Central Luzon, narekobre ti bangkay ti maysa a maladaga iti Quadrant 2 ti disaster site kabayatan ti panagtultuloy ti search and retrieval operations.
Kuna ni Fire Superintendent Maria Leah Sajili, Regional Public Information Officer ng BFP-Central Luzon, saan pay a nakumpirmaran ti pakabigbigan ti maladaga kabayatan ti pannakaipadalan na iti panangtingiting ti Scene of the Crime Operatives (SOCO).
Immuna iti daytoy, rimuar kadagiti report manipod iti sumagmamano a nakalasat a possible nga adda dagiti ubbing iti construction site gapu ta temporaryo a pinagnaed ti sumagmamano a mangmangged ti pamilya da iti nadakamat a lugar.
