LAOAG CITY – Inpakaammo ni Carla Abellana a saan nga ang-angaw ti dumalan iti in vitro fertilization.
Daytoy ket kalpasan a napadasanna a dimmalan nga agpa-freeze ti eggs daytoy idi 2025.
Iti Instagram Story ti aktres, inburayna ti egg retrieval needle nga us-usaren kadagiti babbai a dimmalan iti egg freezing.
Inlawlawagna a nakaat-atiddog ti dagum a katukad ti dua a ruler.
Basar iti maysa a medical website, iserserrek ti egg retrieval needle iti pribado a paset ti bagi ti babai tapno ma-retrieve ti eggs.
Maipalagip nga immunan nga inburay idi ni Carla a saan nga alisto ti journey daytoy iti egg freezing.
