LAOAG CITY – Naguummong dagiti pamilia ti 260 a tattao a natay kalpasan a nagsuek ti naglugananda nga Air India Boeing 787 iti Ahmedabad para iti candlelight tribute kagiddan iti umuna nga anibersario iti napasamak.
Nagatendar pay ti sumagmamano a kabagian, pulitiko, government officials ken foreign dignitaries iti pananglagip ti nakaam-ames nga insidente iti B.J. Medical College.
Nagtalinaed met a nakaserra dagiti nadadael nga hostel buildings gapu iti nakaro a pannakadadael dagitoy.
Inrakurak ti gobierno ti Gujarat a ti pannakadadael kadagiti pasdek ket ma-demolished ken masukatan ti baro a building iti tulong ti pundo manipud iti Tata Group.
