LAOAG CITY – Nagballaag dagiti kangrunaan a sientipiko a kumarkaro ti human-driven global warming idinto nga agtultuloy a kumarkaro ti napapateg a climate indicators ken agpegpeged ti sistema nga us-usaren iti panag-monitor iti kasasaad ti lubong gapu kadagiti desision iti pundo.
Sumurok 70 siyentipiko pakairamanan dagiti contributor iti UN’s Intergovernmental Panel on Climate Change ti nangiparuk-at ti ballaag iti maysa a tinawen a panagadal a naipablaak iti journal nga Earth System Science Data.
Basar iti panagadal, umabot iti sumurok-kumurang 1.39 degrees Celsius above preindustrial levels ti global temperatures idi 2025 no sadinno a 1.37 degrees Celsius ket gubuay iti human activities.
Nagballaag pay dagiti sientipiko a mabalin nga umabot iti 1.5 degrees Celsius ti human-induced warming apaman a madanon ti 2030.
