LAOAG CITY – Naarestar ti maysa a lalaki iti buy-bust operation iti Barangay 10 ditoy siudad ti Laoag.
Ti suspek ket agtawen ti 45, naasawaan ken residente ti Barangay 4 ditoy siudad ti Laoag.
Nakumpiskar manipud iti suspek ti sumurok-kumurang 6.6 grams a maipagarup a shabu nga agbalor ti Php44,880.00, maysa a nangisit nga sling bag ken dadduma pay a drug paraphernalia.
Gapu iti daytoy, sumango ti suspek iti kaso gapu iti panaglabsingna iti Republic Act No. 9165 wenno ti Comprehensive Dangerous Drugs Act of 2002.
