LAOAG CITY – Umaboten iti P40.265 million a gatad ti naipaay a tulong ti Department of Social Welfare and Development (DSWD) para kadagiti pamilia a naapektaran ti magnitude 7.8 a gingined iti Mindanao.
Basar iti Department of Social Welfare and Development (DSWD), naipaay dagiti tulong pinansial babaen iti Assistance to Individuals in Crisis Situation (AICS) program kas paset daytoy ti agtultuloy nga addang ti gobierno mainaig kadagiti pamilia a naapektaran ti napigsa a gingined.
Inbatad ni Department of Social Welfare and Development Disaster Response Management Group Assistant Secretary Irene Dumlao nga agtultuloy ti panangipaay ti tulong ti ahensia iti lugar ti General Santos City ken dadduma pay a paset a lugar iti rehion ti SOCCSKSARGEN.
