LAOAG CITY – Problema ti Sangguning Panlungsod iti mannarimaan a desilting activity iti Padsan River.
Daytoy ket gapu ta naduktalan da a saan a sumursurot ti He-SHA a kompania ti Memorandum of Agreement-da iti probinsia no sadinno a saan da a mabalin nga aramiden ti nasao nga aktibidad iti aniaman a kayatda.
Ti Memorandum of Agreement ket maipalubos laeng ti dredging activity iti Padsan Riverno no sadinno a nagsobraandan iti desilting activity gapu ta adda ti 44 a quarry laeng ti naipalubos.
Inbatad ni Sangguniang Panlungsod Member Saul Lazo a mayat koma latta gapu ta adda met ti pammilin ti Department of Public Works and Highways (DPWH) nga adda ti lugar laeng a pangisayangkatan da ti aktibidad a masapol laengen a maamendaran ti MOA.
Innayonna a saan a mabalin a itantan laeng daytoy gapu ta agbotos dagiti miembro ti Sangguning Panlungsod iti daytoy ken saan a basta ma-revoke ti MOA gapu ta saan a sumururot ti HE-SHA.
Maipalagip, a nailungalong ti pannakaiyuswat ti desilting activity iti Padsan River partikular iti bisinidad ti Barangay Nangalisan.
Daytoy nga addang ti probinsia ket tapnu maliklikan ti panaglayos bayat ti panagtutudo a daytoy ket maisayangkat iti unos ti dua a bulan babaen kadagiti quarry permits.
