LAOAG CITY – Naan-anayen a napabaro ti session hall iti Sangguniang Bayan iti ili ti Pinili.
Daytoy ket ti kalikagum pay laeng ni Vice Mayor Maynard Francis Bumanglag nga adda ti komportable a pannakaisayangkat ti session dagitoy.
Nupay kasta, kunana a saan pay amin a nalpas ti nasao a pasdek gapu ta adu pay dagiti kasapulan a pasayaaten ken iplastar.
Mainaig iti daytoy, inkiddaw ni Bumanglag ti naan-anay a panagtitinnunos kadagiti umili aglalo kadagiti mannalon iti pannakaapektarda iti agdama a mapaspasaran a panawen.
Kabayatanna, inpasigurado ti Bise Mayor ti pannakaipaay dagiti nagduduma a tulong kadagiti umili iti ili ti Pinili.
