LAOAG CITY – Agpangpangta a ngumato manen ti inflation iti pagilian gapu iti peggad a bumagsak ti produksion ti pagay ken mais gapu iti nangato a presio ti ganagan ken posible a problema iti suplay daytoy iti Asya.
Nagballaag ti BMI, maysa a kompania ti Fitch Solutions, a mabalin a maapektaran ti produksion ti pagay ken mais iti Pilipinas no agtultuloy tin angina a ganagan ken dadduma pay a farm inputs nga agbalin a rason tapno kissayan ti panagusar daytoy dagiti mannalon.
Nagballaag pay ti BMI ita nga agal-alisto ti gobierno a lappedan ti panagngato ti presio ti taraon kalpasan ti nagsasaruno a problema iti suplay ti bagas, nateng ken dadduma pay a kangrunaan a magatgatang.
Nayon a risgo iti nangina a ganagan iti food inflation outlook ti pagilian gapu ta ti bagas ken mais ket karaman iti sensitibo a produkto para kadagiti Pilipino.
