LOAG CITY – Naipaayan dagiti empleado ti Job Orders ken Contract of Service ditoy siudad ti Laoag ti 10 kilos a bagas ti tunggal maysa.
Inpakaammo ni Felicar Toti Ancheta, mangidaulo iti City Human Resource Office nga adda ti agarup 500 nga empleado ti naipaayan ti bagas.
Mainaig iti daytoy, manamnama a maipaayan pay a sumaruno dagiti minimum wage earner wenno dagiti nababbaba ti sueldona a pakairamanan dagiti utility workers ken dadduma pay iti Laoag City Hall.
Kunana a ti naibunong a bagas ket manipud iti pundo ti local a gobierno iti siudad no sadinno nga iti babaen daytoy a tulong ket dakkel nga agserbi iti pamiliada.
