LAOAG CITY – Mangiyuswat ti Senate Committee on Social Justice, Welfare, and Rural Development ti nauneg a panagadal iti Juvenile and Welfare Act.
Segun iti chairman ti komite a ni Sen. Erwin Tulfo, karaman kadagiti adalen da ti panagkurkurang ti Bahay Pag-asa facilities para iti Children in Conflict with the Law ken no rumbeng a pagsungbaten dagiti nagannak para kadagiti panaglabsing dagiti annak da.
Malaksid iti daytoy, adalen pay ti panel ti minimum age of criminal responsibility nga agdama a 15 no daytoy ket nagtalinaed a realistic.
Inburay pay ni senador Tulfo a sakbay a nagbalin a maysa a public servant, naimatangan na ti naulpit a kinapudno ti Juvenile law.
Kuna na nga iti uneg ti ado a tawen, adda dagiti biktima ti krimen nga aramid dagiti menor de edad ti awan ti maaramidan na gapu iti panangipatungpal ti Juvenile Law.
Mainaig iti daytoy, inpakaammo na nga aktibo dan a mangkonkonsultar para iti insights ti law experts, law enforcement, social welfare groups, simbaan, medical professionals ken uray dagiti nagannak.
Inlawlawag met ni Tulfo a target ti komite nga urnusen ti broken enforcement mechanisms tapno mabalanse ti panangipaay ti naan-anay nga hustisya kadagiti biktima ken pundo a rehabilitasyon kadagiti menor de edad nga addaan ti pagsungsungbatan.
