LAOAG CITY – Balligi a naarestar ti maysa a wanted person iti ili ti Pinili.
Ti suspek ket agtawen ti 27, naasawaan, housewife ken residente ti Barangay Pagdilao iti ili ti Pinili.
Naarestar ti suspek iti Barangay Valbuena iti ili ti Pinili kangrunaanna iti sango ti Liga ng mga Barangay Hall iti babaen ti bileg ti warrant of arrest nga inyisyu ni Hon. Jasmine Balucio, Presiding Judge ti RTC Branch 16 ditoy siudad ti Laoag a napetsaan idi Hunio 26, 2026 para iti Qualified Theft.
Nairekomendar nga agpiyansa ti 72 ribu a pisos ti suspek para iti temporario a pannakawaya-wayana.
