LAOAG CITY – Naarestar ti maysa a wanted person iti ili ti Sarrat.
Ti suspek ket agtawen ti 31, naasawaan, maysa a construction worker ken residente ti Brgy. Nalasin, Solsona, Ilocos Norte.
Daytoy ket naarestar babaen ti panagbinnulig dagiti personnel ti Sarrat Municipal Police Station kas lead unit ken Solsona Municipal Police Station.
Inbatad dagiti otoridad a ti warrant of arrest ket gapu iti Violation of Reckless Imprudence Resulting in Homicide and Damage to Property ken narekomendaran daytoy ti piansa a P60,000 para iti temporario a pannakawayawayan.
Kabayatanna, ti suspek ket adda iti kustodiar ti Sarrat Municipal Police Station para iti naan-anay a dokumentasion sakbay a maisubli daytoy iti korte.
