LAOAG CITY – Inbatad ni dati a National Bureau of Investigation (NBI) Director Jaime Santiago a nakasagana isuna a tumestigo iti impeachment trial ni Vice President Sara Duterte no paayaban daytoy ti Senate impeachment court.
Maipalagip nga idi nakatugaw ni Santiago kas National Bureau of Investigation (NBI) Director ket inrekomendar ti National Bureau of Investigation idi Pebrero 2025 ti panangipila ti reklamo nga inciting to sedition ken grave threats kontra ken ni Vice President Sara.
Nangrugi ti rekomendasion ti National Bureau of Investigation gapo iti maipagarup panagpangta ti bise ken ni Presidente Ferdinand Marcos Jr., First Lady Liza Araneta-Marcos ken ti dati a House Speaker Martin Romualdez.
Kabayatanna, idi kalman, pormalen a nangrugi ti panagtalantan ti nadakamat nga isyu a nakaipalaon iti Article IV ti Articles of Impeachment.
