LAOAG CITY – Inlawlawag ni Dr. Loida Valenzuela, ti head ti Provincial Veterinary Office no apay saan pay a naideklarar a green zone ti probinsia nupay negative ti African Swine Fever (ASF) iti lugar.
Kunana nga adda dagiti pagalagadan a masursurot tapno maideklarar ti National Government a green zone ti probinsia.
Daytoy ket gapu ta adda dagiti naka-red ken pink zone a kabangibang a lugar.
Nu pay kasta, naiget ti panag-monitorda kas iti agtultuloy a blood sampling kadagiti taraken a baboy iti babaen ti panangallukoy kadagiti Local Government Unit (LGU) tapno agisubmitir iti nasao a sample tapno mapanekneken nga awan ti African Swine Fever (ASF) iti lugar.
Mainaig iti daytoy, agtultuloy met ti panagbantayda iti borders kangrunaan kadagiti agideliver ti baboy ken dagiti frozen meats a sumrek iti probinsia.
Kunana nga iti agdama ket adda ti under surveillance nga imon-monitorda nga awan papel-na nga agiserrek ti frozen meats.
Kabayatanna, gutgutigoten ni Valenzuela ti panagtitinnulong dagiti Local Government UnitS (LGUs) nga i-monitorda ti Barangay wenno lugarda tapno insigida a malappedan ti pannakaiwaras dagiti produkto a mabalin a pagrugianan ti nasao a virus.
