LAOAG CITY – Inpakaammo ni House Sergeant-at-Arms Ferdinand Melchor Dela Cruz a simple ken bassit laeng ti magastos iti panagsagana ti House of Representatives para iti State of the Nation Address (SONA) ni Presidente Ferdinand Marcos Jr. inton Hulio 27.
Segun ken ni Dela Cruz, nakissayan dagiti panagsagana ken magastos no ikumparar kadagiti naglabas a tawen gapu iti agdama a krisis.
Inbatad pay ni House Secretary General Cheloy Garafil nga umanamong ti House ken Malacañang iti panagbalin a simple ti State of the Nation Address (SONA) nga imbilin ni House Speaker Faustino “Bojie” Dy III.
Mainaig iti daytoy, awan pay ti red carpet ita a tawen ken magutigot dagiti babbai nga agpampanday linteg ken dadduma a bisita nga agisuot lang ti simple a Filipiniana ken saan a gown.
Innayonna pay ni Garafil, a bssit ti budget ti State of the Nation Address (SONA) ita a tawen no ikumparar idi napalabas a tawen.
Manamnama nga agbantay ti sumurok-kumurng a 22,000 a pulis para iti seguridad ti State of the Nation Address (SONA), bayat nga addaan met 1,800 a bisita met ti makipartisipar iti uneg ti Plenary Hall.
