LAOAG CITY – Inusig ni Private Prosecutor Atty. James Bryan Ibrahim Alih ti testigo a ni Atty. Karen Batu ti Office of the Ombudsman mainaig kadagiti naideklerar a negosio ni Vice President Sara Duterte idi umuna a terminona kas mayor iti Davao City.
Naisayangkat ti panagsaludsod iti maika-25 nga aldaw ti impeachment trial kontra iti Bise Presidente.
Inimbestigaran ni Atty. Alih ni Batu mainaig iti acquisition cost wenno capital a nakarekord iti Statements of Assets, Liabilities and Net Worth wenno SALN ni Duterte, partikular kadagiti negosiona iti 2007 Statements of Assets, Liabilities and Net Worth-na.
Kinumpirmaran ni Batu a basar iti tallo a nakairekord a dokumento ket awan naideklerar nga acquisition cost isu a kinondenar ti prosecutor nga adda negosio ngem awan nakarekord ti puonan.
Inlawlawag ti testigo nga awan naideklarar nga stocks iti 2007 ken 2009 Statements of Assets, Liabilities and Net Worth ni Duterte, malaksid iti 2008 SALN no sadinno adda naikabil nga stocks equity paid.
Kabayatanna, sinaludsod ti prosecution no kayatna nga sawen daytoy ket adda dagiti negosio ngem awan naideklarar a puonan wenno capital, idinto nga inbatad ni Batu nga isu ti nakasurat iti opisial a dokumento ti Ombudsman.
