LAOAG CITY – Nakastrek iti 2026 TIME100 Creators list dagiti dua a content creators a da Bretman Rock ken Niana Guerero.
Basar iti TIME, dagiti 100 a “the most influential digital voices” a nakastrekan dagiti dua a Filipino content creators ket naggapo iti nagduduma a pagilian iti nagduduma nga online platforms kas iti TikTok, Instagram ken Youtube no sadinno ket da Bretman ken Niana ket agpadada a naibilang iti Titans category.
Kabayatanna, ni Bretman ket nakaaramid ti ado a followers ken nagbalin a kas platform’s early beauty creators a mangipakpakita ti biagna sadiay Hawaii, ken idinto a ni Niana ket nagbalin met a kas most-followed creator ti Pilipinas iti TikTok nga adaan ti 46.8 million followers a rason ti pannakaibilangda iti top 100 most influential online personalities.
