LAOAG CITY – Agtultuloy a wanwanawanan ti state weather bureau ti maysa a Low Pressure Area (LPA 07d) a nasaripatpatan iti ruar ti Philippine Area of Responsibility (PAR).
Basar iti report ti state weather bureau, ti nadakamat a Low Pressure Area LPA ket addaan ti kaadayo a sumuruk-kumurang 1,635 a kilomentro iti dayaen ti abagatan a paset ti Luzon.
Addaan daytoy ti apagiso a tsansa wenno medium chance nga agbalin a Tropical Depression iti uneg ti sumaruno a 24 oras.
Iti agdama, awan pay ti direkta nga epekto iti pagilian ti nadakamat nga LPA ngem agtultuloy a wanwanawanan daytoy dagiti eksperto tapno masigurado ti kinatalged ti publiko.
