LAOAG CITY – Imon-monitor ti Philippine Atmospheric, Geophysical and Astronomical Services Administration (PAGASA) ti maysa a Low Pressure Area (LPA) iti ruar ti Philippine Area of Responsibility wenno PAR.
Segun iti Philippine Atmospheric, Geophysical and Astronomical Services Administration (PAGASA), ti Low Pressure Area (LPA) 08e ket saanen a manmnama anga agbalin a tropical depression iti uneg ti sumaruno a 24 nga oras.
Kabayatanna, manamnama met a mabuo iti paset ti amianan a daya ti Philippine Area of Responsibility PAR ti baro a Low Pressure Area (LPA) inton sumaruno a lawas.
Mainaig iti daytoy, nagballaag ti state weather bureau ti manamnama a napigsa a panagtudo kadagiti kabanbantayan gapu iti hangin habagat.
Gapu iti daytoy, posible ti panaglayus ken panagreggaay ti daga.
Kabayatanna segun iti Philippine Atmospheric, Geophysical and Astronomical Services Administration (PAGASA), masansan a ti kapigsaan ti epekto ti Habagat ket iti bulan ti Agosto.
Agtultuloy a makapasar ti panagtudo gapu iti Habagat ti Zambales, Bataan, Metro Manila, Ilocos Region, Cordillera Administrative Region, Cagayan Valley, CALABARZON, MIMAROPA ken ti dadduma pay a paset ti Central Luzon ken Antique.
