LAOAG CITY – Sumurok-kumurang 20,000 a pulis ti mai-deploy para iti State of the Nation Address (SONA) ni Presidente Ferdinand “Bongbong” Marcos Jr. inton Lunes, Hulio 27, basar ken ni Department of the Interior and Local Government (DILG) Secretary Jonvic Remulla.
Maiwaras ti Philippine National Police – National Capital Region Police Office (PNP-NCRPO) a mangrugi iti alas-5 ti malem inton Biernes, Hulio 24.
Mainaig iti daytoy, agtultuloy ti regular nga anti-crime operations ken visible police patrols.
Naig-iget ti seguridad kadagiti kangrunaan a lugar ti tignay protesta pakairamanan ti Batasang Pambansa, People Power Monument, Malacañang, Liwasang Bonfacio, Senado idiay Pasay City ken United States Embassy.
Kabayatanna, immunan a nangiparuk-at ti Metropolitan Manila Development Authority dagiti alternatibo a ruta gapu iti manamnama a nairot a trapiko iti Commonwealth Avenue, IBP Road ken dadduma pay a kangrunaan a kalsada nga asideg iti House of Representatives.
