LAOAG CITY – Nagballaag dagiti negosiante iti posible a panagngato pay ti presio dagiti magatgatang kalpasan a ngimmato manen ti presio ti langis gapu iti kumarkaro a tension iti Middle East.
Basar kadagiti report, nangitunda ti panagdanag iti world market ti maminsan manen a kumaro ti tension iti nagbaetan ti Estados Unidos ken Iran pakairamanan ti pangta iti suplay ti langis iti rehion.
Gapu iti daytoy, ngimmato ti gastos iti panagutang ti sumagmamano a pagilian iti Europa idinto a namnamaen dagiti trader ti posible a naig-iget nga addang nga aramiden ti European Central Bank kontra iti inflation.
Bimmagsak met ti sumagmamano nga stocks iti Europa kalpasan a saan a nagun-od ti chipmaker nga STMicroelectronics ti namnamaen a birok daytoy.
Ad-adalen dagiti negosiante ti plano ti Alphabet, ti parent company ti Google a nayonan pay ti puunan daytoy para iti artificial intelligence (AI).
Kabayatanna, nagtalinaed a positibo ti sumagmamano a merkado iti Asya gapu iti agtultuloy a panagdur-as ti industria ti artificial intelligence.
Pimmigsa ti sumagmamano a kompania ti teknolohia pakairamanan dagiti agar-aramid ti semiconductor ken computer chips.
Nagtalinaed a nakapsot ti sukat ti kuarta ti Japanese yen kontra iti dolyar idinto a pumigpigsa met ti euro kontra iti dolyar uray pay ngimmato ti presio ti langis.
