LAOAG CITY – Inpakaamo ni Senador Panfilo “Ping” Lacson nga ad-ado pay ti ‘damning evidence’ iti imbestigasion mainaig iti maipagarup nga anomalya ti infrastructure projects iti Taguig City.
Daytoy ket kageddan ti panangideklararna ti ad-adda pay nga atiddog a listaan dagiti ebidensia ken pannakapigsa ti kaso.
Nangrugi ni Lacson iti imbestigasion iti infrastructure projects idiay Taguig a naipaam-ammo kas baluarte ni Senate Minority Leader Alan Peter Cayetano.
Naglikudan met ni Cayetano ti ghost project iti siudad ken kinaritna ni acson a mangiparuk-at kadagiti ebidensia.
Immunan a binabalawni Lacson ti posible a ‘double appropriation’ a karaman ti dua a P100 milyon nga alokasion a naduktalan a karan ti agpada nga slope projection project iti Taguig City.
Malaksid iti daytoy, adda pay ti makitkita ti grupona a tallo a kanayonan a P100 milyon nga slope projection projects iti babaen ti 2025 General appropriations Act, a nangipangato iti pakabuklan a gatad dagiti proyekto iti Taguig manipud P2.085 bilyon ket nagbalin a P2.385 a bilyon.
Nupay kasta, awan pay ti nagbalin a sungbat ni Cayetano mainaig iti daytoy.
