LAOAG CITY – Paimbestigaran ni Navotas Rep. Toby Tiangco iti Kongreso ti sumagmamano a paggasolinaan gapu iti panagngato ti presio sakbay ti opisial a pannakaiparuk-at ti presio ti krudo.
Inpila ti agpampanday-linteg ti House Resolution No. 1217 no sadinno nga alallukoyen ti House Committee on Energy nga mangiyuswat ti imbestigasion ti premature a panagngato iti presio ti gasolinaan ken pannawagan payen iti Department of Energy (DOE) nga imbestigaren dagiti gasolinaan a nangipatungpal ti nangato a presio ken maipaayan ti pannusa a panagmulta gapu iti panaglabsing ti fuel pricing regulations.
Iti babaen ti RA 8479 wenno Downstream Oil Industry Deregulation Act, maibilin ti Department of Energy (DOE) a mangiwayat ti panagmonitor iti industriya ti krudo ken ipasigurado ti transparency, fair competition, and consumer protection.
Mainaig iti daytoy, maipaayan pay ti pannusa dagiti ag-hoard, overpricing, ken panangmanipula iti presio ti krudo.
