LAOAG CITY – Impasigurado ni House Majority Leader Sandro Marcos a ti House-approved anti-disinformation bill ket saan a manglapped iti press freedom wenno mang-censor iti media.
Inlawlawag ti diputado a ti dakdakamatenna ket ti House Bill 9465 wennu ti proposed Digital Media Anti-False Information Act, naglaon daytoy dagiti pannusa a kas iti pannakaibalud ken panagmulta ti agingga 2 milyon a pisos kadagiti maduktalan a guilty iti panagiwaras kadagiti palso a damag.
Babaen iti nasao a gakat, dagiti maduktalan nga agiwaras ti palso a damag ken mangsuportar kadagitoy ket mangitunda ti pangta ken gulo iti aglawlaw ket sumango iti innem agingga iti 12 a tawen a pannaka-ipabalod ken mamulta ti 500 a ribo a pisos agingga iti 2 a milyon a pisos.
Daytoy a gakat ket karaman dagiti AI-Generated wennu manipulated nga imahe, video ken audio a maiwaras a saan nga umno a mangitunda ti pannakai-iyawawan ti publiko.
Innayonna pay a daytoy a panangilawlawagna ket mangsungbat ti concern dagiti media ken civil groups a posible a mangapektar iti press fredom.
Kinuna ni Congressman Marcos a daytoy ket solusion ti adadda a panagwaras dagiti palso a damage iti online nu sadinno nga ibilang daytoy dagiti agpanpanday linteg a pangta iti seguridad ti publiko, democratic constitution bayat ti pannaka protehar ti freedom of expression ken freedom of the press.
