LAOAG CITY – Maragsakan ni Ilocos Norte 1st District Representative Sandro Marcos iti ibibisita na manen ditoy probinsya.
Iti panagturong ni Marcos iti ili ti Bacarra, inbatad na nga ita man laengen a nakabisita gapu ta ado dagiti trabaho ken nakakumikuman na iti Metro Manila, partikular iti kamara de representantes.
Kagiddan iti daytoy, binalakadan na dagiti umili a no adda ti kasapulan da ket saan da nga agdudua ken agalumiim nga agturong iti oposina na.
Kabayatanna, kinablaawan ni Congressman Marcos daydi lolo na a ni dati a Presidente Ferdinand Marcos Sr. para iti panagkasangay na intono bigat, Setyembre 11.
Inpakaammo na kas paset ti selebrasyon iti kasangay daydi lolo a ket agturong met ditoy probinsya ti ama na a ni Presidente Ferdinand Marcos Jr. intono bigat.
