LAOAG CITY – Inpasigurado ti Philippine National Police (PNP) a paigetan da pay ti panangipaay ti seguridad kadagiti pagadalan iti intero a pagilian.
Daytoy ket kalpasan a nadakamat ni Presidente Ferdinand Marcos Jr iti maikalima nga State of the Nation Address na no sadinno a nagkari a nayunan ti panangipaay ti seguridad kadagiti pagadalan iti pagilian.
Inbatad ni Police Col .Allen Rae Co, ti hepe ti Public Information Office ti Philippine National Police, nga agyaman da iti panangbigbig ti presidente iti ar-aramiden da a panagbantay kadagiti pagadalan tapno maprotehiran dagiti agad-adal.
Kuna na nga ad-adda pay a paigetan da ti panagbantay tapno agbalin a nataltalged dagiti pagadalan.
Maipalagip nga iti State of the Nation Address ni Presidente Marcos Jr. ket nadakamat na ti naiget a koordinasyon ti Philippine National Police ken Department of Education (DepEd) tapno mapaigetan ti panangipaay ti seguridad kadagiti pagadalan ken maliklikan ti aniaman a kriminalidad a mapaspasamak kadagiti pagadalan a ti karaman ken dagiti metlaeng agad-adal.
