LAOAG CITY – Imprisintar ti Pilipinas iti United Nations ti claim-na para iti extended continental shelf (ECS) iti West Philippine Sea.
Indauloan ni Permanent Representative of the Philippines to the United Nations in New York, Ambassador Enrique Manalo ti delegasion iti UN Comission on the Limits of the Cotinental Shelf idiay New York tapno mapaneknekan ti sovereign rights ti pagilian iti uneg ti UN Convention on the Law of the Sea (UNCLOS).
Basar iti Department of Foreign Affairs (DFA) a ti Article 75 ti United Nations Convention on the Law of the Sea (UNCLOS) ket insubmitir ti Pilipinas ti nasao a claim tapno mapaneknekan ti pagpatenggaan ti continental shelf ti pagilian.
Kabayatanna, segun iti Department of Foreign Affairs (DFA), ti panangisubmitir ti Pilipinas ti claim-na ket paset ti obligasion ti pagilian para iti nalinak a kabaybayanna babaen ti rule of law.
Iti nagbalin a presentasion ti Pilipinas, kiniddaw ti pagilian nga ikonsiderarda ti nagbalin a desision ti tribunals kas iti 2016 Arbitral Award.
Maipalagip a daytoyen ti maika-dua a daras a nangipila ti Pilipinas iti kastoy a claim kalpasan ti Philippine Rise (Benham Rise) a na-validate idi tawen 2012.
