LAOAG CITY – Inlawlawag ni Atty. Juanito Antonio a ti wagas ti kameng ti pulis panggep iti panagpangtana ti biag kadagiti nagpasken idiay Bacarra ket agtinnag iti Article 282 iti Revised Penal Code wenno grave threat.
Pakairmanan ti grave threat ket ti panangbutbuteng ti maysa a tao babaen ti serious harm, adda intension nga mang-intimidate wenno mang-bully a mangpabuteng iti maysa nga indibidual.
Kunana a mabalin a maireklamo ti pulis a nagpangta ti biag dagiti maseknan ti grave threat wenno abused of authority.
Mabalin pay a maireklamo iti Internal Affairs Service (IAS) tapno maimbestigaran ti insidente.
No mapaneknekan a nakabasol ti nasao a pulis ket mabalin a maibalud daytoy ti arresto mayor iti maysa bulan agingga 6 a bulan. kabayatan, no prison correctional, maibalud daytoy ti 6 a bulan ken maysa aldaw aginnga 6 a tawen.
Inlawlawagna pay a saan a rumbeng a sumrek ti kapulisan iti pagtaengan no awan ti search warrant.
Binalakadan ni Atty. Antonio a suroten dagiti umili dagiti barangay ordinance ken adda naan-anay a dusa ti panaglabsing ti ordinansa.
