LAOAG CITY – Nagikkat iti Philippine market ti Holcim Group, maysa a Switzerland-based cement giant, kalpasan nga inlakona ti lokal a business-na iti Huaxin Building Materials iti China no sadinno mapatta-patta a $807 million ti gatadna.
Inisial nga inlako ti Holcim ti 67.623 a porsiento ti majority stake iti Wuhan-based a kompania iti $527 million sakbay ti panagilako ti mapatta-patta a 31 a porsiento a stake iti sumaruno a 3 agingga 5 a tawen iti minimum a $280 million.
Kuna iti Holcim a ti gatad ket mabalin a manayonan “based incremental value creation during this period.”
Ti sale dagiti majority stake ket manamnama nga agserra iti umuna a gudwa iti 2027 a subject to regulatory approvals.
Agoperar ti Holcim ti dua nga integrated cement plants, meysa a cement grinding plant ken maysa a dry mix plant iti Luzon kabayatan iti Mindanao network ket addaan ti dua nga integrated cement plants.
Iti tawen 2025, nagun-od ti Holcim Philippines ti revenues-da a P22 billion, nangatngato ngem ti P21.9 billion a nairekord iti 2024 ti stronger cement sales. Nupay kasta, ti net loss before tax ket napalawa ti P4.2 billion manipud iti P1 billion iti 2024.
Maipalagip a boluntaryo a nagikkat ti Holcim Philippines iti Philippine Stock Exchange idi 2023 kalpasan nagun-od ni Holderfin B.V ti additional a 594.95 million common shares wenno 9.22 a porsiento iti company capital stock manipud iti Sumitomo Osaka Cement Co. no sadinno nakissayan ti public float ti kompania iti 5.05 a porsiento, nababbaba ngem ti minimum requirement iti nakalista a kompania.
Kabayatanna, agoperar pay ti Holcim Group iti dadduma pay a pagilian kas iti Europe, Latin America, Asia, the Middle East ken Africa no sadinno addaan ti sumurok 50,000 nga empleado.
