LAOAG CITY – Inpetteng ni House Lead Prosecutor ken Batangas Representative Gerville Luistro nga ad-adda a napatibker ti mekanismo ti panagsungbat nga inkeddeng ti Konstitusion.
Rakurak daytoy ni Luistro kagiddan ti panangibasura ti Korte Suprema iti petision da Vice President Sara Duterte kontra iti impeachment proceedings nga inwayat ti House Committee on Justice.
Inpetteng ni Luistro ti desision ti Korte Suprema ket nangpatibker ti fundamental a prinsipio nga awan ti public servant uray pay ti maikadua a kangatoan nga opisial ti pagilian ti nangatngato iti pagsungbatan.
Kunana a ti desision ti High Tribunal ket panangkumpirmar a mabalin a maituloy ti proseso ti panangusig ken panakiddaw ti hustisia dagiti umili.
Gapu iti daytoy, inpaganetget ni Luistro a nasken nga irespetar ti Konstitusion, ilungalong ti rule of law ken baybay-an nga aramiden ti impeachment court ti responsibilidadda a patas ken awan ti kankanunungan.
